fotop相簿最易被攝影師發現
大約一年前, 2008年的4月..第一次接觸攝影...是經朋友介紹的..因為我個心比較鍾意自拍...拍下不少的生活照..就算日常行街食飯都會影大堆相片...之後再放上BLOG...而朋友介紹之下..第一次接觸做 MODEL 的工作...影過一兩次私影之後...我更加鍾意影相...之後開左一個 FOTOP...而無意中被一些攝影師發現我這一個新手...之後就一直影相到現在...






曾是130磅肥妹 為當model決心燒脂
我個人比較懶...最鍾意係訓覺...平時冇野做的日子...我會陪下屋企人...陪下朋友...有時會去行街..睇戲..不過我好鍾意食零食&甜品...一見到新的零食...一定忍唔到手買返屋企食...好多人都會問我唔怕肥咩...但係兩年前我是一個130磅的肥妹仔...為左做MODEL減少少肥..減返之後都唔怕食零食...其實個人覺得食得唔過份就可以喇...

繁忙的尖沙嘴作她的處女秀
第一次影相...我係在尖沙咀影的...第一次係影夜影的...其實都唔可以話好夜...只係7點幾8點...但係因為屋企人管得我比較嚴厲...要我11點就返到屋企...而我又住得遠..所以8點對我黎講...已經係一個差唔多回家的時間...而第一次影相係一個好突然的決定...那天所有的事都好趕好趕...係兩個鍾的時間快快的影了一次...當時的我可能未習慣對住一部咁大的相機...唔太自然...而且係尖沙咀...好多人望住...總係覺得好怕醜的...還突然有一班外籍人仕過黎合照...當時真係不知怎樣反應...


欠缺身高 自卑心很重
其實做 MODEL 最難的我覺得係我唔夠高...有時候出黎的相我覺得唔夠優雅...係我心目中的MODEL...應該係好高...但係我唔夠高真係有時都好自卑......好細個我已經想做 MODEL...想自己可以做到外國MODEL的那一種氣質...那一種特別的感覺...可能係太大諗頭...唔一定要多人認識...要大紅大紫...


希望能攝入水裡做一條美人魚
其實由入行都現在...影過唔少的相...試過好多唔同的主題...如果可以選擇...其實我真係唔知道可以選那一位攝影師...因為每個人的攝影手法唔同...出黎的感覺都唔同...但係如果選主題的話...我想影一SET有關 Mermaid 的相...唔一定有條假尾...有長裙都可以...但一定係水入面優雅的相...


無謂的性感 只會賣弄出低格調
其實宜家做MODEL...好多人都覺得係應該 SEXY...著好少衫先做到...先會多人睇...除非係一些特別的主題相...其實普通的著一條裙...都可以表現到另一種美...千萬唔好給人一種一開頭就做CHEAP左的感覺...

MoteStation 互相照應防騙子
MoteStation 其實幫到我好多...我認識好多的 model 中...好多都有用MoteStation 這個網站...除了定期有新的工作可以給model選擇外...都有好多唔同的工能...例如 "壞人名單"...可以給model們一個提醒...小心一些唔好的攝影師...唔怕被人呃...



(相片由模特兒提供)
(相片由SiuFaiFai 拍攝)
2009-07-11