Kiki Lau

http://www.hellomodel.com/KikiLau





熱衷跳舞 肋骨受傷仍堅持
我平時得閒大多數都會聽歌,上網睇下其他人ge表演,其他model ge相,有時又會練琴,又會自已會幫自已整下指甲咁啦!

仲有我最大的興趣就係跳舞喇,我由小學2年級開始就俾老師揀左入柔軟體操隊,到左6年級就係舞蹈學校報左中國舞,學左大概2年左右,自已想試下唔同ge舞蹈風格,咁就係中2個陣學jazz同埋free style,學左年幾,兩個老師都想我去考演藝學院,但係因為成績向下跌,屋企人驚我會掛住跳舞而唔讀書,所以唔俾我去考,同時唔俾我繼續跳舞,直到08年,自已想有突破,所去係外面報左break dance,1個月4堂,最初跌到手腳都瘀晒,試過最嚴重就係練baby freeze個陣,整傷左肋骨,個陣有一個月透氣都會痛,不過自已硬頸啦,唔肯休息,不過有付出,總有收穫,練左6堂多d,終於做得到!我份人係比較鐘意跳跳扎,又鐘意試唔同風格唔同類型,所以就一直學唔同ge舞蹈!^^




還是覺得模特兒比較適合
不過暫時我都會比較想向模特兒呢邊發展,因為做dancer平衡力必定要好好,而我自問啦,平衡力未達到dancer ge標淮,雖然係學得耐,但始終唔係係專業學校學,所以冇呢個打算!而影相呢方面,同樣都係由細到大都鐘意,因為我覺得可以係影相可以搵到唔同風格ge自已,所以我比較想係呢方面發展!

 



為左令狗狗聽話 請食手指無有怕
如果講難忘經歷,最難忘都係2009年3月8日同松鼠狗一齊影個次,咁個隻松鼠狗係我朋友養,所以可以借俾我影相,咁我唔知係我手指好食定係隻狗仔肚餓啦,我同佢一齊影個陣,佢就特別鐘意咬我隻手指,但係為左影好d相,就唯有俾佢咬,好彩係細狗仔,如果係大狗,我諗我都頂唔順!哈哈!!




期待攝影crossover 舞蹈
其實都會想影番輯關於跳舞ge相,不過會諗番個難度都會幾高,所以可能會轉做有跳舞個種feel而唔係一路跳一路影=]

暫時最滿意的相應該係2009年2月18日個輯,因為個日係一場內可以而影到兩種差別好大ge風格,第一種係斯文大方,以白色淡妝為主,帶點清淡ge味道,而第二種就係Smoky 眼妝,帶點 Rock ge味道,所以我個人比較鐘意呢一輯相!

其實有好多位影師我都想試下合作,但係未知大家時間甲唔甲到!我都好希望可以同唔同風格影師合作架, 如果有任何影師有idea即管同我討論下啦!

 

酒樓拍片 自轉十分鐘
我第一次拍廣告係幫一間酒樓拍宣傳片,佢有一幕係要我係中心點到自轉,咁我轉黎轉去都未合客人ge心水,咁我就一直轉,轉到合客人心水為止,我總共轉左十分鐘有多,完個陣,我差d企唔穩,好彩有個女助手扶一扶我咋,如果唔係我可能會跌倒,到時我都唔知點拍第二幕,幸好最後都可以順利完成!



鋼牙Betty 變身美女KiKi 信心番晒黎
細細個就好鐘意對住鏡頭影相,對住鏡頭笑,但係前幾年做左鋼牙妹之後,信心大跌,影相個陣完全唔敢笑,直到上年,幸好有影師唔介意,願意用角度去蓋過我ge缺點,直到今年年頭,脫離左鋼牙妹ge稱號,先夠膽笑,夠膽影多d相,信心先會大番D!

MoteStation對我幫助都好大,例如多左攝影機會同工作機會,而且可以有自己ge主頁,令影師更了解自已,同埋可以識到唔同風格ge model朋友,係一個好好ge model影師交流網站!



(相片由模特兒提供)
2009-07-13